Договорот на Лука Модриќ со Реал Мадрид истекува на крајот од сезоната. Хрватот кој во септември ќе наполни 40 години засега не размислува да се пензионира. Сепак, речиси сигурно е дека Реал нема да му понуди договор на Модриќ за следната сезона, па веќе започнаа шпекулациите каде може Лука да ја продолжи кариерата.
Според некои шпекулации и најави од Шпанија, Модриќ добил понуда да потпише за тимот на Интер Мајами, каде што главна ѕвезда е Лионел Меси. Токму Аргентинецот бил оној кој дал идеја Модриќ да дојде во тимот од Мајами.
Откако Меси потпиша за Интер, во клубот пота се приклучија и неговите некогашни соиграчи од Барселона, Луис Суарес, Жорди Алба и Серхио Бускетс. Сега на ред е и една ѕевзда од најголемиот ривал на Барселона, а тоа е Реал Мадрид, и тоа Модриќ кој од 2012 година е на „Сантијаго Бернабеу“.
Минатата сезона Интер Мајами беше тимот со најмногу бодови во МЛС-шампионатот, но потоа разочарувачки испадна уште во првото коло од елиминациите кога загуби од Атланта. Во новата сезона во МЛС започна одлично, со пет победи и три нерешени во осум меча и е единствен без пораз.
