Лионел Меси ноќеска се очекува да го одигра 10-тиот меч за својот нов клуб Интер Мајами. Во досегашните девет меча на кои аргентинскиот виртуоз играше за Интер Мајами, неговиот тим се радуваше во сите девет средби.
Екипата на Нешвил е ривалот на Интер Мајами. Тоа е тимот против кој Меси и другарите само пред 10 дена испишаа историја. Го победија Нешвил во финалето на Лига купот, и тоа на гостински терен. Финалето по регуларниот дел беше 1:1, па мораа да се шутираат пенали. Во пенал-рулетот беа изведени 11 серии, а кога дојде ред голманите да шутираат, промаши чуварот на мрежата на Нешвил и Интер Мајами стигна до историската прва титула за нив.
Сега Интер Мајами е фокусиран на дуелите од МЛС-шампионатот, каде што главна мисија е да стигне до плејофот. Интер има само 21 бод од 23 меча, а Чикаго, кој е на последнтоо деветто место што води во плејофот на Источната конференција, има 32 бода од 25 натпревари. Тоа значи дека Интер Мајами едноставно мора да победува ако сака да го достигне оваа заостанување.
Во досегашните девет меча, Меси постигна 13 гола, а има и три асистенции. Во овие девет средби, Интер Мајами во просек постигнува по три погодоци, што значи дека и ноќеска може да се очекува шоу од погодоци.
