Церемонијата за доделување на Златната топка ќе биде вечерва, во Париз, а во центарот на вниманието е Лионел Меси. Аргентинскиот виртуоз е главен фаворит за добивање на најважната индивидуална фудбалска награда во светот, и тоа по рекорден осми пат.
Според најавите, Меси ќе има најмногу освоени бодови и треба да заврши пред Ерлинг Халанд. Сè е подготвено за вечерното шоу во Париз, а организаторот внимателно го има направено и распоредот за седење.
Меси ќе биде во првиот ред, а од двете страни до него ќе бидат неговите соиграчи од репрезентацијата на Аргентина, Хулијан Алварес и Лаутаро Мартинес, кои исто така се дел од листата на номинирани.
Меси заедно со Алварес и Мартинес пред неполна година беа дел од аргентинската репрезентација која ја освои титулата на Светското првенство во Катар.
Lionel Messi will sit next to Argentina teammates Julian Alvarez and Lautaro Martinez at the Ballon d’Or ceremony 🇦🇷🏆 pic.twitter.com/dRbgr75DoM
— ESPN FC (@ESPNFC) October 30, 2023
