Натпреварот помеѓу Спортинг Канзас сити и Интер Мајами наместо утревечер, ќе се игра ноќта помеѓу среда и четврток, а одложувањето е поради многу студеното време во Канзас Сити.
Се очекуваше температурата за време на мечот да падне и на -15 степени Целзиусови, и терен покриен со снег, а неофицијално ѕвездата на тимот од Мајами, Лионел Меси, најавил дека одбива да игра на натпреварот доколку е толку ладно.
Соочен со овие поларни услови, аргентинскиот ас не сака да ризикува да се повреди пред почетокот на МЛС-шампионатот оваа сабота, кога Интер на домашен терен игра против Њујорк на 22 февруари.
Овој меч во Канзас е од осминафиналето на Купот на шампионите во КОНКАКАФ зоната. При носењето на одлуката се земале предвид здравјето на играчите, но и на публиката, за која исто така не е пријатно да следи меч на толку студено време.
