На Лионел Меси тешко му падна разделбата со Барселона, беше навикнат на таа средина, но финансиските проблеми на Каталонците го принудија да замине и неговиот избор беше ПСЖ, каде што има многу пријатели, а и клубот е амбициозен и богат. Во Париз се трудат да му помогнат на Меси полесно да се прилагоди, сакаат тој и семејството да бидат среќни во Париз.
Тренерот Маурисио Покетино го ангажирал неговиот син Себастијан да му го покаже на Меси тренинг-центарот на ПСЖ. Кога отишле во фитнес-центарот, младиот Покетино му ги покажувал справите и го советувал околу режимот за тренинг, а Меси бил збунет. Тој не знаел за што служат и како се користат некои од справите.
И во Барселона ги имало истите справи, но таму никој никогаш не побарал од Меси да ги користи, па затоа Лео не ни знаел каква е нивната функција.
За Меси новина беше и што го извадија од игра на еден меч, кога му се налути на Покетино, првпат во животот легна на земја зад живиот ѕид, но сака да покаже дека е тимски играч. Целта на парижаните е јасна, титула во ЛШ, а тоа е можно само со среќен и задоволен Меси.