Лионел Меси во својата неверојатна кариера постигна многу фантастични голови кои ќе се паметат уште долго време. Голема е дилемата за тоа кој погодок на Меси е најдобар на сите времиња, а Аргентинецот откри кој е негов најомилен погодок од речиси 900 што ги постигна.
„Најдраг гол? Тоа е тој во финалето од Лигата на шампионите во 2009 година. Тоа е затоа што тој погодок има неверојатно значење. Тој погодок е кулминација на незаборавната сезона во која ги освоивме сите трофеи. Затоа според мене, тој е најважниот погодок од сите. Дадов гол во финале од Лига на шампиони, и тоа со глава, против Манчестер јунајтед“, рече Меси.
🗣️❗️Messi: “Right now, because of what it meant, because it was the culmination of an unforgettable year, for me it is the most important goal of all, the header in the Champions League final against Manchester.”pic.twitter.com/DiqndtvUxM
— The Touchline | Football Coverage (@TouchlineX) May 22, 2025
Меси многу ретко постигнува голови со глава и тоа е поради неговата висина, но во тој меч во 2009 година успеа да скокне толку високо и да ја удри топката токму како што треба за да го матира Едвин ван дер Сар, а да ги остави зачудени како неговите соиграчи така и дефанзивците на Манчестер јунајтед.
