Најголемата ѕвезда на аргентинскиот фудбал, Лионел Меси, потврди дека ќе одигра само уште еден меч на Копа Америка во кариерата, финалето в недела вечер против Колумбија.
„Ова беше тешка Копа Америка за Аргентина бидејќи тимовите се поизедначени од кога било. Овде има многу лоши терени, многу високи температури… За мене ова е последна Копа Америка. Со Ди Марија и Отаменди заедно ги играме последните натпревари и уживаме“, изјави 37-годишниот Меси.
Меси со Аргентина стана светски шампион (2022), Копа Америка исто така ја освои еднаш (2021), сега оди по нов трофеј.
