Интер Мајами убедливо со 4:0 го победи Торонто во меч на кој во составот на тимот од Флорида се врати Лионел Меси. Кога Меси е во составот, Интер Мајами има друга физиономија, па очекувана беше оваа победа.
Иако Меси се врати во стартниот тим, Аргентинецот одигра само 37 минути затоа што се повреди и мораше да биде заменет при резултат 0:0. Токму замената за Меси, Роберт Тејлор, блесна на теренот, постигнувајќи два гола, а имаше и една асистенција.
Интересно е дека Меси кога беше заменет во 37-мата минута, тоа беше дури четврта измена на мечот затоа што претходно гостите направија две принудни измени, а непосредно пред замената на Аргентинецот, на повреда се пожали и Жорди Алба, кој беше заменет во 34-тата минута.
Со оваа победа Интер Мајами сега скокна на 13-тото место на Источната конференција со 31 бод. Интер Мајами го „лови“ барем деветото место, кое е последно што води во плејофот, а таму моментално е ДЦ јунајтед со 36 бода.
