По одлуката на Жорди Алба да ја заврши играчката кариера по крајот на оваа сезона во МЛС-лигата, со него на емотивен начин се збогува Лионел Меси.
„Ти благодарам Жорди. Многу ќе ми недостигаш. По сè што поминавме заедно, ќе ми биде чудно да гледам лево, а да не те видам. Лудо е колку асистенции ми даде низ годините. Кој ќе ми дава сега додавања одзади?“, искоментира Меси.
Меси и Алба заедно придонесоа за 48 гола, во кои едниот од нив бил стрелец, а другиот асистент на тие голови. Придонесот за Барса и Интер Мајами го имаа и преку креирање опасни ситуации кон противничките голови, не само со меѓусебни голови и асистенции.
