Интер Мајами се пласираше во финалето на МЛС шампионатот откако убедливо со 5:1 славеше над Њујорк сити. Аргентинците доминираа на теренот и беа најзаслужни што Интер Мајами ќе игра во финалето. Тедео Аљенде постигна хет-трик, а неговиот сонародник Матео Силвети даде еден гол. Секако, најпознат и најдобар од сите Аргентинци, не само во тимот на Интер Мајами е Лионел Меси.
На овој меч против Њујорк сити, Меси не даде гол, но имаше асистенција, со која влезе во историјата на фудбалот. Во 67 минута, Меси асистираше до 19 години помладиот Силвети кој даде гол, а виртуозот Лео уште еднаш влезе во историјата на фудбалот.
Messi dishes, Silvetti finishes. A goal made in Rosario. 🇦🇷@InterMiamiCF // Audi MLS Cup Playoffs pic.twitter.com/MkXTm0LTmY
— Major League Soccer (@MLS) November 30, 2025
Со ова додавање, Меси стана најдобар асистент во историјата на фудбалот. Меси сега има 405 асистенции за гол, надминувајќи го рекордот на Ференц Пушкаш кој кариерата ја заврши со 404 додавања за погодок. Трет на оваа листа е пеле со 369 асистенции.
🚨 Official: Lionel Messi becomes the player with most assists in football history.
🥇 Leo Messi — 4️⃣0️⃣5️⃣
🥈 Ferenc Puskas — 4️⃣0️⃣4️⃣
🥉 Pelé — 3️⃣6️⃣9️⃣ pic.twitter.com/C1OPMmNK01— Fabrizio Romano (@FabrizioRomano) November 30, 2025
Меси во кариерата има одиграно 1.136 натпревари, а со 896 голови и 405 асистенции значи дека директно учествувал во постигнување на 1.301 гол, што истотака е светски рекорд.
