Најдобриот фудбалер на светот за 2019 година, Лионел Меси, 25 пати играл против Баскијците од Билбао и ниту еднаш не загубил, билансот му е 19 победи и шест ремија. Со ова тој е рекордер во шпанската лига, а втор е Икер Касилјас, кој со Реал Мадрид бранеше 23 пати против Малага и никогаш не претрпе пораз.
Но, Меси освен што го гази Атлетик Билбао со резултати, синоќа тоа го направи и буквално. Во една ситуација, во 68-мата минута Аргентинецот беше невнимателен и го згаси противничкиот играч Јерај. Дефанзивецот на Атлетик мораше на кратко да излезе од игра, а судијата Хил Мансано не му даде на Меси ниту жолт картон за овој ненамерен, но и неспортски потег.
Некогашниот судија Итуралде Гонзалес, кој работи како аналитичар за „Ас“, смета дека поради тоа што Меси прво ја удрил ногата на противникот, тоа се смета за опасна игра и можел да биде и исклучен. И во минатото коло Меси имаше една ситуација во која можеше да добие црвен картон, за време на прекин турна играч на Севилја, но и тогаш мина неказнето. Можеби во некоја наредна ситуација некој судија нема да му прости и ќе го испрати на ладење.
