Лионел Меси со својот Интер Мајами вечерва ќе игра на гости кај Атланта во реванш дуелот од осминафиналето на плејофот во МЛС шампионатот во САД. Интер Мајами победи минимално со 1:0 на првата средба, што значи дека може да има возбудлив реванш.
И додека Меси се фокусира на дуелите во САД, од Барселона стигна информација дека аргентинскиот виртуоз треба да се појави во каталонската престолнина на 29 ноември. Тоа е датумот која Барселона ќе слави 125 години од постоењето, а Меси најавил дека ќе присуствува на свеченоста, пренесува новинарот Мигуел Рико.
Меси во Барселона пристигна во 2000 година и тоа како 13-годишен тинејџер, а таму остана до 2021 година, период во кој стана вистинска легенда на клубот. Од Барселона, Меси се пресели во Пари Сен Жермен каде одигра две сезони, а потоа замина во Интер Мајами.
