Лионел Меси и Кристијано Роналдо покажуваат дека уште се главни во Лигата на шампионите. Тоа се и двајцата фудбалери кои се хероите на третото коло во елитната лига на УЕФА, откако беа стрелци на погодоци со кои нивните екипи стигнаа до победи.
ПСЖ губеше со 2:1 од Лајпциг, кога Меси реши да се разигра и со два погодоци направи комплетен пресврт и победа на Светците од 3:2. Лајпциг беше 37-ми различен клуб на кој Меси му дал гол во ЛШ и со тоа го израмни рекордот на Роналдо. Сепак, Аргентинецот само еден ден беше „рамо до рамо“ со Роналдо.
Кристијано синоќа погоди за победа на Манчестер јунајтед против Аталанта, и тоа во меч на кој Црвените ѓаволи губеа со 0:2 на полувреме. Португалецот погоди во 81-вата минута за победа од 3:2 на Манчестер. Тој гол на Роналдо беше рекорден затоа што Аталанта е 38-миот различен клуб на кој тој му дава гол во ЛШ и повторно му избега на големиот ривал Меси.
Интересно е што само 17 фудбалери во историјата на европските купови успеале да постигнат 38+ погодоци, колку што Роналдо има клубови на листата на кои им ги тресел мрежите.
Cristiano Ronaldo has now scored against 38 different teams in the Champions League, more than any player has managed in the competition’s history.
Only 17 players have scored 38+ European Cup goals. 🤯 pic.twitter.com/kSRm3kAmDM
— Squawka Football (@Squawka) October 20, 2021