Речиси никаков интерес нема за пријателскиот меч на Македонија против Финска. Трибините на стадионот „Тодор Проески“ зјаат празни како речиси никогаш досега. Едвај илјада гледачи има за дуелот кој е од пријателски карактер.
Ниту Македонија ниту Финска не се дел од Светското првенство, кое в недела почнува во Катар. Македонија навистина има за што да жали затоа што само 90 минути беше од пласман на мундијалскиот собир.
Македонија ја победи Италија во Палермо, но не успеа да направи уште едно чудо и потоа загуби во Порто од Португалија со 2:0 и тука заврши сонот за настап на Мундијалот, а сега се соочуваме со реалноста.
