Миа Тодорова се закити со бронзен медал на Светското мај тај првенство за јуниори. На турнирот кој се одржува во Анталија, Тодорова се натпреваруваше во категорија до 63,5 килограми.
Тодорова не успеа да се пласира во финалето откако во полуфиналната битка беше поразена од Рапла Нур Услу од Турција, па мораше да се задоволи со бронзениот медал, што е голем успех за Миа на нејзиниот дебитански настап на мај тај натпреварување.
