Михаел Шумахер, еден од најпознатите спортисти на сите времиња, не беше почестен од својот роден град Керпен, кој одлучи да не му додели титула почесен граѓанин. Одлуката на локалните политичари, кои тврдат дека „во моментов нема смисла“ доделување на таква титула и дека градот има „други приоритети“, предизвика лутина кај братот на Шумахер, Ралф, кој реагираше на „Инстаграм“.
„Ништо веќе не ме изненадува од СПД“, додавајќи дека успесите веќе не значат ништо во германската политика. Тој исто така истакна дека е тешко да се разбере зошто градот не го одликувал Михаел имајќи ги предвид сите титули што брат му ги освои и сѐ што направил за Керпен.
Претседателот на фан-клубот на Михаел Шумахер, Рејнер Ферлинг, ја изрази својата реакција на оваа одлука истакнувајќи дека третманот на Михаел како личност е „ужасен“ и дека не е јасно зошто градот не одлучил да му додели титула почесен граѓанин.
Покрај тоа, истрагата за обидот за изнуда на Михаел Шумахер продолжува. Јавниот обвинител од Вупертал истражува случај во кој се сомничи медицинска сестра која наводно го снимала Михаел без негово знаење.
