Болоња беше понижена на свој терен и загуби од Рома со 1:5 во меч на кој гостите сите пет погодоци ги постигнаа уште во првото полувреме. По мечот, тренерот на Болоња, Синиша Михајловиќ, беше разочаран од играта на своите избраници и реши да ги казни.
„Првото полувреме игравме катастрофално. Делувавме како да сме аматери. Тоа не е во ред, не може да губиме на ваков начин. Сега треба да ги „оладиме“ главите и затоа одиме во карантин до Божиќ. Видов многу погрешно однесување на играчите на терен и не смееме да го дозволиме тоа“, вели Михајловиќ.
Стратегот објасни дека во изминатава година воспоставил посебен однос со фудбалерите и секогаш се обидувал да ги заштити, но дека овој пораз „ја прелил чашата“.
„Мојата врска со играчите е нешто повеќе од фудбал, посебно по мојата болест. Имаме посебен однос со нив, но секогаш се обидувам да ги оправдам. Сепак, постои граница во сѐ и тие ја поминаа таа граница. Поради тоа, сега ќе одиме во карантин“, објасни Михајловиќ.
Рома само третпат во клупската историја даде пет гола во првото полувреме на дуел од Серија А. Претходно тоа Римската волчица го направила во јуни 1930 година против Падова и во мај 1931 година против Ливорно, што значи дека речиси 90 години немале вакво прво полувреме.
5 – AS Roma have scored 5+ goals during the first half of a Serie A match for only the third time in their history, previously against Livorno in May 1931 and July 1930 v Padova. Burst.#BolognaRoma pic.twitter.com/X3v6IAN71t
— OptaPaolo (@OptaPaolo) December 13, 2020
