Македонската таеквондистка Мила Рељиќ освои нов медал, овојпат сребрен на Г1 турнирот кој се одржа во Тирана, Албанија.
Рељиќ најпрво ја совлада Гркинката, Теопула Сарванаки (светска вице-шампионка од Мексико 2022), а потоа во полуфиналето беше поуспешна и од Елза Чарсл Секанел од Шпанија.
Во финалето, Мила беше поразена од Хрватката Дора Мештровиќ (0-2).
Со овој резултат, Релиќ освои нови 6 поени на олимписката ранг листа, а нејзиниот тренер Александар Ефтимов вели дека Мила е во извонредна форма, пред Светското во Кина на крајот од овој месец – каде најавите се атак на медал.
