Екипата на Милан со 3:1 победи на гости кај Калјари во меч од шестото коло во Серија А. За Росонерите ова беше петта победа и со 15 бода сега е веднаш до градскиот ривал Интер, кој е лидер на табелата.
Мечот на Сардинија не започна добро за Милан. Домаќините поведоа со голот на Лувумбо во 29-тата минута, но до крајот на првиот дел, Росонерите направија пресврт. Окафор погоди за 1:1 во 40-тата минута, а во 45-тата минута со голот на Томори, фаворитот стигна до 2:1.
Сите дилеми околу победникот беа решени точно по еден час игра кога Лофтус-Чик ја затресе мрежата на Калјари по асистенција на Кристијан Пулишиќ.
На гости победи и Аталанта, и тоа минимално со 1:0 кај Верона, додека на домашен терен се радуваше Емполи против Салернитана, и тоа благодарение на еден постигнат гол.
