Милан одигра одлично прво полувреме против Салернитана и води со 2:0, а шампионот на Италија во еден од двата премиерни меча во 2023 година во Серија А можеше да има и поубедлива предност.
Првиот гол во Калчото за 2023 година го постигна Рафаел Леао во десеттата минута, откако само неколку минути претходно промаши чист зицер, односно ударот му го одбрани Очоа.
🎥 | Leao’s goal against Salernitana https://t.co/9c3SZ4QDwf
— Milan Eye (@MilanEye) January 4, 2023
Португалецот кој е најдобар стрелец на Милан со 7 гола има необичен хет-трик. Постигнуваше барем по еден погодок во премиерните мечеви на Росонерите во последните три години, односно во 2021, 2022 и сега во 2023 година.
Само пет минути подоцна, Сандро Тонали ја затресе мрежата на дебитантот Очоа, кој стана прв голман од Северна и Средна Америка што брани во Серија А откако е воведено правилото за 3 бода за победа.
Очоа е Мексиканец и прв голманот од регионот на Северна и Средна Америка во Калчото од сезоната 1994/95.
🎥 | Tonali’s goal against Salernitana https://t.co/H3iukUdVE8
— Milan Eye (@MilanEye) January 4, 2023
Интересно е што идентичен е и резултатот на вториот меч од 16-тото коло, прво во 2023 година меѓу Сасуоло и Сампдорија, а и таму гостите водат со 2:0, со головите на Габијадини и на Аугело.
