Италијанскиот фудбалски вицешампион Милан ќе ја активира откупната клаузула во договорот на Џошуа Зиркзе од Болоња. Преговорите меѓу раководството на Росонерите и агентот на Холанѓанецот се започнати и веќе се пред реализација.
Дваесет и тригодишниот офанзивец настапува за Болоња од 2022 година и постигна 14 гола на 58 натпревари. Во клупската кариера настапуваше за Баерн Минхен, Парма и за Андерлехт.
Болоња заврши на петтото место во Серија А и следната сезона ќе игра во Лигата на шампионите. Ова ќе биде прв настап на клубот во престижното европско натпреварување по 60 години.
