Милан ќе игра против Фероникели од Косово на стадионот „Фадиљ Вокри“ во Косово на 20 август. Ова беше соопштено од таборот на некогашниот италијански и европски првак.
„После турнејата во САД и во Кардиф, доаѓањето во Приштина ќе биде шанса за навивачите на Росонерите од Косово, но и од соседните балкански земји, во живо да го следат својот омилен клуб во подготвителниот период“, стои на порталот „Милан-вести“.
Фероникели е тимот кој игра во квалификациите за Лигата на шампиони и веќе успешно ги помина претквалификациите, па сега го очекуваат настапи во првото квалификациско коло од Лигата на шампиони.
