Аталанта е несопирлива. Тимот на Џанпјеро Гасперини стигна до 11-та победа во Серија А, триумфирајќи против Милан со 2-1. Со оваа победа Аталанта се искачи на врвот на табелата со 34 освоени бода, два повеќе од Наполи, кој има меч помалку.
Шарл де Кетеларе донесе водство за Аталанта во 12-та минута, но само десет минути подоцна израмни Алваро Мората.
Конечниот удар го зададе Адемола Лукман кој постигна победнички гол во 87-та минута од дуелот.
Милан на овој натпревар остана и без Кристијан Пулишиќ кој заработи повреда во првото полувреме.
