Милан се пласираше во второто коло од Купот на Италија, но мечот не помина без грижи за тренерот Масимилијано Алегри. Причината е повредата на Рафаел Леао.
Росонерите ја отворија новата натпреварувачка сезона на убедлив начин, со победа од 2-0 на домашен терен против Бари, и во следната рунда ќе се сретнат со Лече.
Тренерот Масимилијано Алегри на терен испрати речиси најсилен состав, со исклучок на Лука Модриќ кој остана на клупата за резерви. Ова се исплатеше веќе во 14-та минута, кога Рафаел Леао, по додавање од Фикан Томори, го отвори резултатот за 1-0.
Allegri started Rafael Leão as a striker in a 3-5-2 system tonight in the Coppa Italia and he responded with a goal.
— Sean Gillen (@SeanGillen9) August 17, 2025
pic.twitter.com/reKJfPlDcj
Меѓутоа, радоста на Алегри и навивачите на Милан траеше кратко, бидејќи само три минути подоцна Леао се пожали на повреда и беше принуден да го напушти теренот предвреме.
И покрај тоа, Милан продолжи да доминира и во второто полувреме. Само што започна вториот дел, Кристијан Пулишиќ, по додавање од резервистот Хименез, ја погоди мрежата на гостите и го постави конечниот резултат, 2-0, за сигурен триумф на Росонерите.
Пласман во второто коло денеска остварија и Фросиноне, Парма и Пиза.
