Милан неодамна потврди дека го задржа Златан Ибрахимовиќ и за наредната сезона, што се оцени како најголемото засилување на Росонерите во овој преоден рок. Освен Ибра, Милан стави потпис со уште еден Швеѓанец. Се работи за 16-годишниот тинејџер Лукас Бјорклунд од Малме.
Малме е клубот од каде што кариерата ја започна токму Ибраимовиќ, па некој велат дека Лукас може да биде новиот Ибра.
„Многу сум среќен и горд што потпишав за Милан. Едвај чекам да започнам во новиот клуб. Голема благодарност за моето семејство кое секогаш ми дава поддршка во се. Вие сте најдобрите. Секако, благодарам и на Малме за двете прекрасни години кои ми ги овозможи. Ми беше чест да бидам дел од најдобриот клуб во Сканднавија“, вели Бјорклунд.
Тинејџерот потпиша тригодишен договор со некогашниот италијански и европски првак.
https://www.instagram.com/p/CEwraiJna55/?utm_source=ig_web_copy_link
