Управата на Милан планира во наредните денови да започне преговори со Роберто де Ѕерби, кој од денеска повеќе не е менаџер на Брајтон, пишува „Газета дело спорт“.
Според весникот, челниците на Милан донеле конечна одлука да се разделат со Стефано Пиоли на први јуни и веќе закажаа разговор со Де Ѕерби и неговите агенти.
Роберто де Ѕерби и во минатото беше поврзуван со Милан, тим за кој Италијанецот навива од детството.
Покрај Милан, интерес за Де Ѕерби пројавува и Баерн Минхен, кој исто така нема тренер за следната сезона.
