Српскиот интернационалец, Лука Јовиќ, своевремено важеше за еден од најпреспективните фудбалери, а тоа беше препознаено и од Реал Мадрид, па во 2019 година го купија за 63 милиони евра од Бенфика. Сепак, Србинот не ги исполни очекувањата, па беше пуштен на позајмица во Ајнтрахт Франкфурт, а потоа како слободен фудбалер се пресели во Фиорентина.
И таму не се задржа многу, па во 2023 година следуваше трансфер во Милан, а сега повторно ќе бара нов клуб и повторно како слободен агент. Според договорот на клубот и фудбалерот, Милан имаше можност автоматски да му го продолжи договорот најдоцна до 20-ти јуни, па со оглед дека тоа не го сторија, Јовиќ станува слободен фудбалер на 30-ти јуни.
Според информациите од Италија, Србинот сега ќе прави трансфер надвор од Европа, а интерес за него има од мексикански Круз Азул и бразилскиот Ботафого.
