Милан славеше на гости во Бергамо против Аталанта со 2:0 и на крајот заврши на второто место во Серија А. Со овој пласман, Росонерите си обезбедија место во Лигата на шампиони, за прв пат по 2014 година.
Победата кај Аталанта беше доволна за Милан да има постигнување кое досега не му успеало на ниту еден тим во историјата на италијанското првенство. Гигантот од „Сан Сиро“ е првиот во Серија А што во една сезона завршил со дури 16 победи на гостински терен. Во 19 гостувања, Милан покрај 16-те победи има и само едно реми и два порази.
Освен Милан во Италија, во Топ 5 лигите во Европа само уште два клуба може да се пофалат дека имале 16 триумфи на гостински терен. Тоа им успеало само уште на тимот на Реал Мадрид од сезоната 2011/12 и Манчестер сити во сезоната 2017/18.
16 – Il Milan ha stabilito un nuovo record assoluto di vittorie esterne in una stagione di Serie A: 16 – nessuna squadra nei cinque maggiori campionati europei ha mai fatto meglio (16 anche per il Real Madrid 2011/12 e il Manchester City 2017/18). Conquistatori.#AtalantaMilan pic.twitter.com/dQ0Ng05yLJ
— OptaPaolo (@OptaPaolo) May 23, 2021
