Пјер-Емерик Обамејанг го постигна деби-голот во дуелите на популарното Ел Класико меѓу Реал Мадрид и Барселона и сега има потфат што е уникатен и го нема ниту еден фудбалер во овој милениум.
Иако за првпат игра на вечното дерби на Шпанија, сега во дресот на Барселона, популарниот Ауба и порано ги тресеше мрежите на Реал Мадрид.
На салдото погодоци против Кралскиот клуб ги вклучи и двата гола вечерва, во 29-тата минута за предност на Барса од 1:0 и потоа во 53-тата минута за 4:0, што му се шести и седми гол во серија на последните пет дуели на кои настапувал против Реал Мадрид.
Во 21 век нема таков играч што му успеал таков потфат на пет меча во серија да му ја тресе мрежата на најтрофејниот клуб на планетата.
https://twitter.com/OptaJose/status/1505645758258757638?s=20&t=W3ROikmkT-9yBzsyv6AbgQ
