По дебаклот и поразот од 7:1 на гостувањето во Велс, селекторот на македонската репрезентација, Благоја Милевски, е разочаран затоа што неговите избраници потфрлиле со играта на теренот во Кардиф.
„Немавме одговор за агресивната игра на Велс. Сакам да му честитам на противникот. Одговорноста е моја и секогаш ќе биде, начинот на кој загубивме боли повеќе. Не успеавме да одговориме на тркачки план и епилогот беше неминовен. Ние бевме далеку од нашето ниво. Во многу други сегменти потфрливме, не бевме ниту сенка на тимот кој претходно немаше пораз на 14 натпревари“, рече Милевски веднаш по мечот.
