Фудбалерите на Јувентус одиграа 1:1 на гостувањето кај Болоња во рамки на 32-то коло од Серија А и ја продолжија црната серија од четири натпревари без победа.
Старата дама со ремито во Болоња, ја прекина низата од три порази по ред, но остана на третото место на табелата со 60 освоени бодови, еден помалку од Лацио, а три повеќе од Интер и Милан. Болоња пак е осма со 45 освоени бодови.
GOAL | BOLOGNA 1-0 JUVENTUS
⚽ 9' Riccardo Orsolini#BOLJUV #SerieAhttps://t.co/GhlMj4Vokl
— FOOTY HUB (@Footyhub01) April 30, 2023
Домаќинот поведе со голот на Рикардо Орсолини од пенал во 10-та минута, а во првиот дел Јувентус имаше шанса да дојде до израмнување, но Аркадиуш Милик го изведе најсмешниот пенал сезонава.
https://twitter.com/i/status/1652754746971758594
Полскиот репрезентативец, сепак успеа да се извади за промашениот пенал во второто полувреме кога во 61-та минута го постигна голот за израмнување.
GOL DI AREK MILIK
1-1 #BolognaJuventus pic.twitter.com/jG6cHtzbKS— alicia lorena (@aliciaalorenaa_) April 30, 2023
Фиорентина откако загуби во претходното коло од Монца (2:3) вечерва им се врати на победите откако пред своите гледачи, со „петарда“ ја почести Сампдорија.
