Поразот на Борусија Дортмунд на домашен терен од Баер Леверкузен (0-1) сериозно ја замаглува трката за титулата во Бундеслигата, која сега изгледа речиси решена.
Милионерите влегоа агресивно во натпреварот и од самиот старт создаваа притисок. Рами Бенсебаини се закани прв, потоа и Даниел Свенсон, но гостите преживеаја благодарение на интервенцијата на Лоик Баде од самата гол-линија. Шанси имаше и Серу Гираси, но без ефект.
Баер Леверкузен постепено го балансираше натпреварот, користејќи ги грешките во одбраната на домаќинот, иако во тие моменти не успеа да ги казни. Сепак, клучниот момент дојде кога Роберт Андрих пресече топка на средината, а потоа со прецизен удар од околу 25 метри ја смести во самиот агол, по што Грегор Кобел остана без реакција.
Лајпциг потешко од очекуваното стигна до победа од 1-0 против Борусија Менхенгладбах, откако херој беше Мохамед Диоманде со погодок во 81-та минута. Иако домаќините пропуштија повеќе шанси, а гостите беа опасни преку Харис Табаковиќ.
Во останатите натпревари, Хајденхајм покажа дека нема намера лесно да се предаде, славејќи над Унион Берлин со 3-1. Марвин Хоншак со два гола донесе предност, Керфелд намали, а Буду Зивзивадзе го завери триумфот. Илија Илиќ настапи од првата минута за гостите.
Волфсбург е на чекор до испаѓање, откако на свој терен загуби од Ајнтрахт Франкфурт со 1-2.
