Црвена ѕвезда е во голема резултатска криза и веќе три натпревари по ред нема победа во домашното првенство, а ако на тоа се додаде и поразот од Брага во Лигата на Европа, тогаш Црвено-белите се без победа на последните четири натпревари.
Сосема очекувано, сè погласни се и шпекулациите околу можното заминување на Владан Милојевиќ од клупата на Црвена ѕвезда, а српскиот тренер има понуда да ја преземе најдобрата бугарска екипа, Лудогорец.
Раководството на поранешниот европски шампион нема да му прави проблеми и ќе му дозволи да си замине доколку Милојевиќ одлучи да ја прифати понудата на Лудогорец.
Како негов наследник се споменува Шпанецот Алберт Риера од Цеље, а во игра е и Дејан Станковиќ.
