Шпанија е земјата во Европа со најголем број на заразени луѓе од Коронавирусот, а и по повеќе од еден месец од појавување на опасниот вирус, ситуацијата не е смирена. Само во последните 24 часа во земјата починале 288 луѓе од опасниот вирус, па бројот на умрени во пандемијата достигна над 23.100 луѓе. Бројот на заразени е над 207.000, а вирусот го пребродија речиси 100.000 луѓе.
Во една ваква ситуација, неизвесно останува дали ќе продолжи фудбалското првенство на Шпанија. Популарната Примера беше возбудлива, а Барселона и Реал Мадрид се главни ривали за тронот. Од Барселона и неколку други клубови најавија дека се против продолжување на сезоната, а сега и министерот за здравство ја дополни неизвесноста.
„Не можам да кажам дали е возможно фудбалското првенство да продолжи пред летото. Неблагодорно е да прогнозирам“, вели министерот Салвадор Ија.
