Бојан Миовски ја продолжува голгетерската низа во шкотското првенство. Македонскиот репрезентативец погоди по само пет минути на домашен терен против Рос Каунти за водство од 1:0. За Миовски ова беше 14-ти погодок сезонава во шкотскиот шампионат и е на третото место на листата на најдобри стрелци.
Рос Каунти израмни во 26 минута, но Абердин ја потврди фаворитската улога и со погодокот на Џејми Мекгети стигна до 2:1 во 79 минута. Во 90+2 минута Миовски беше повлечен од игра.
Ова беше многу важна победа за Абердин во борбата за опстанок. Тимот на Миовски сега има 33 бодови од 31 меч и е на деветото место на табелата, пет повеќе од Сент Џонстон кој е на десетото место. Рос Каунти останува на претпоследното место со 27 бодови.
