Ниту Македонија ниту Италија не постигнаа гол во првото полувреме на пресметката во Скопје од квалификациите за ЕП 2024, иако двете селекции имаа зрели шанси.
Најблиску до погодок, Црвено-жолтите беа кога Миовски со глава за малку не го погоди голот по одличен центаршут на Алиоски, а имавме среќа што брзо потоа не дојде казната бидејќи Тонали ја погоди стативата.
Димитриевски го одбрани опасниот шут на Кристанте по нафрлување од корнер, а нашиот голман се повреди сопнувајќи се на лошиот терен во својот 16-ник, но за среќа не потешко, и продолжи да стои на голот.
