Шкотскиот гигант Глазгов Ренџерс остана без тренер, откако вечерва отказ доби Расел Мартин. Заминувањето на Мартин е поради серијата слаби резултати што ги има клубот, а кулминацијата беше со денешното реми против Фалкрик на гости.
Интересно е дека на дуелот против Фалкрик, голот за водство на Ренџерс беше дело на македонскиот голгетер Бојан Миовски и може да го погледнете ТУКА.
Иако Ренџерс водеше, Фалкрик успеа да се врати во игра и во второто полувреме да израмни на 1:1, што на крајот се покажа како конечен резултат. По седум одиграни меча, Глазгов Ренџерс има само една победа, пет реми и еден пораз, што е доволно за осмо место на табелата.
Се очекува во најскоро време да биде назначен новиот тренер на Ренџерс, а меѓу еден од главните фаворити за оваа тренерска работа се споменува и легендата на Ливерпул, Стивен Џерард.
