Македонскиот репрезентативец Бојан Миовски беше стартер и еден од подобрите играчи во екипата на Жирона, која со 4:3 славеше над Леганес. Во 62 минута врз Миовски беше направен фаул по кој беше досуден пенал за Жирона.
Фаулот не беше наивен, Миовски се повреди и мораше да излезе од игра. На негово место влезе Стуани, кој и погоди од пенал за водство од Жирона од 3:2 во тој момент.
Според првичните лекарски прегледи, Миовски има повреда на скочниот зглоб на ногата. Засега не се знае колку е сериозна повредата, а утре се очекува да оди на дополнителни прегледи за да се дознае сериозноста на повредата.
Доколку се работи за нешто посериозно тоа ќе биде удар и за македонската репрезентација, бидејќи Миовски е еден од главните играчи во офанзивата, а може да ги пропушти последните два меча од Лигата на нации. Македонија на 14 ноември ќе игра против Летонија во Скопје, а три дена пдоцна ќе бидеме домаќини и на Фарски Острови.
