Бојан Миовски го даде единствениот гол за МТК во ремито на домашен терен против Дебрецен. Ова беше дуел на два тима кои се во долниот дел од табелата, а МТК веќе четири меча не знае за победа.
Миовски погоди за 1:0 по само 12 минути игра, но домаќините не успеаа да се одбранат и во вториот дел примија гол, па на крајот дуелот заврши 1:1 и двата тима освоија по еден бод. По 11 одиграни кола, МТК има постигнато 10 погодоци, од кои пет се на контото на македонскиот репрезентативец.
