Менаџерот на Ренџерс, Дени Рел, изјави дека клубот ќе мора внимателно да ја следи здравствената состојба на македонскиот фудбалер Бојан Миовски, откако тој беше принуден да излезе од теренот во поразот од 2-1 од Ференцварош во Будимпешта.
Миовски, кој со извонреден погодок донесе рано водство за Ренџерс, наводно претрпел повреда во второто полувреме пред да биде заменет. По натпреварот, Рел посочи дека повредата може да биде сериозна и дека медицинскиот тим ќе го оцени неговото здравје во наредните денови.
„Бојан прими удар и тоа може да се покаже како голем проблем. Се надевам дека нема да биде така, но мора да постапиме внимателно. Потребни ни се сите во оптимална форма за натпреварите што следуваат“, истакна Рел.
