Македонскиот репрезентативец Бојан Миовски продолжува да погоува во дресот на Абердин. Офанзивецот на Абердин вечерва погоди во ремито од 1:1 на Абердин на свој терен против Хелсинки.
Хелсинки водеше со 1:0 кога Миовски со гол во 79-тата минута израмни на 1:1.
https://twitter.com/i/status/1710035496678588686
Нордсјиланд немаше милост во дуелот против Лудогорец во рамките од второто коло во Конференциската лига и победи со убедливи 7:1. Уште од самиот старт на мечот домаќините тргнаа офанзивно и првиот гол го дадоа уште во втората минута, а до полувремето водеа со 4:1.
Во второто полувреме домаќините малку подзапреа во темпото, но повторно беа ефикасни и постигнаа три нови гола за „седмица“ во мрежата на бугарскиот првак.
ПАОК со гол во судиското надополнување стигна до победа од 2:1 против Ајнтрахт Франкфурт, додека Фиорентина во последните моменти се спаси од пораз на свој терен од Ференцварош, во меч кој на крајот заврши 2:2.
Астон вила се намачи, но успеа да даде еден гол и минимално со 1:0 да го победи Зрињски, а со ист резултат и АЗ Алкмар дома се радуваше против Легија. Генк на гости со 2:0 го победи Чукарички, а Фенербахче славеше на гости кај Спартак Трнава со 2:1.
