Македонскиот репрезентативец, Бојан Миовски, продолжува со одличните игри за Абердин во шкотската Премиер лига и денеска повторно се запиша во листата на стрелци.
Абердин одигра 1:1 против шкотскиот гигант Ренџерс кој до бодот дојде во последните моменти од мечот. Голот за Абердин беше дело на Миовски во 11-та минута. Акцијата започна со исфрлањето на топката на голманот Рос, по што Соклер со глава му асистираше на Миовски кој од 16-тина метри немаше проблем да го совлада Батленд.
Ова е вкупно петти гол на Миовски сезонава во шкотската Премиер лига и е шести најдобар стрелец, а воедно по третпат му дава гол на Ренџерс во седумте меѓусебни дуели.
Ренџерс од пораз се спаси со голот на Таверние во 94-та минута.
