Ракометниот клуб Еурофарм Пелистер како последна активност за оваа година си ја зацрта најважната мисија – хуманата акција на натпреварот против Вардар 1961 доби успешна реализација.
Плишаните мечиња и детските играчки кои навивачите ги даруваа со фрлање на теренот за време на дербито беа собрани и завршија во вистински раце.
Од клубот најавија дека овие плишани играчки ќе бидат донирани за божиќните празници на децата од ранливите категории и ветувањето беше исполнето.
Ракометарите на македонскиот првак утрово ги даруваа играчките во основното училиште со ресурсен центар „Кочо Рацин“ од Битола.
