Нејмар најде виновници за неуспехот на Пари Сен Жермен во финалето на купот на Франција, а според него помладите играчи на „светците“ потфрлиле.
“Мора да бидеме посплотени, да личиме на екипа. Помладите играчи беа како загубени во финишот. Мора повеќе да слушаат совети од поискусните и помалку да зборуваат“, изјави Нејмар.
Француските медиуми објавуваат дека Бразилецот пред се мисли на Килијан Мбапе, кој беше исклучен во финишот на продолженијата.
“Не е време да зборуваме за него. Секако дека Килијан е млад играч и има уште многу да учи. Сега е познат и мора повеќе да внимава на секој фаул што ќе го направи, бидејќи веднаш судиите ќе го казнуваат со жолт, или црвен картон“, додаде Нејмар.
ПСЖ испушти предност од 2:0 во финалниот меч против Рен, а по конечните 2:2 се изведуваа пенали и пехарот замина за Рен.
