Литванскиот кошаркар Ауримас Сибас е пронајден мртов на сред улица во италијанскиот град Џенова. Сибас пристигнал во Џенова во посета кај неговиот пријател Римантаус Даунис, кој исто така е кошаркар.
На крајот, патувањето во Италија се претворило во трагедија откако 27-годишниот Сибас мистериозно паднал од 20 метри висина. Истражителите не сакаат да ја исклучат која било опција, а обдукцијата на телото ќе биде в четврток, кога треба да бидат познати повеќе детали.
🖤 Aurimas Cybas, jugador de baloncesto lituano, encontrado muerto en una calle de Génova: la policía baraja un suicidio o un accidentehttps://t.co/AAOWI4XPcJ
— Deportes Cuatro (@DeportesCuatro) May 28, 2024
Сибас, кој играл во кошаркарскиот тим Бјерингбро во Данска, допатувал во Џенова во посета на пријателот кој игра за италијанскиот тим Палаканестро Сестри, клуб кој е од предградието на Џенова.
Двајцата кошаркари биле излезени вечерта, а Сибас имал расправија со неколку посетители во еден ноќен клуб. потоа, Сибас бил исфрлен од клубот, а пријателите подоцна не можеле да го пронајдат и го пријавиле за исчезнат.
Утрото телото на Сибас било пронајдено на сред улица од страна на случаен минувач. Братот на кошаркарот изјавил дека Сибас никогаш не конзумирал алкохол и не влегувал во конфликт со никого. На неговото тело имало видливи модринки и рани, па затоа и телото е дадено на обдукција, по која треба да бидат појасни некои работи.
