Најискусниот поединец во македонската репрезентација, Николче Митревски, рече дека
„Против секој друг противник би имале поголеми шанси освен против Данска и Франција. Се обидовме да играме, но таков тип на играчи никогаш не се опуштаат без разлика што немаа императив, се бореа, трчаа без разлика што имаа обезбедено прво место. Одигравме солиден меч. Секоја наша грешка ја користеа. Треба да научиме од нив и да сфатиме како треба за во иднина. Ни фалеа детали, да ги добиевме двата нерешени, сега ќе бевме во четвртфинале и овој меч со Франција ќе беше за прво место во групата. Треба да веруваме во себе и да се бориме против секого, видовме дека можеме против секого“, рече Митревски.
