Македонската кошаркарска федерација изрече сериозни казни кон КК Пелистер по драматичниот четвртфинален дуел со Куманово, меч кој остана запаметен по контроверзни судиски одлуки, инциденти на трибините и самоволното напуштање на теренот од страна на битолскиот клуб.
Битолскиот клуб ќе треба да плати 60.000 денари поради напуштањето на теренот, а дополнителни 10.000 денари за јавните критики упатени кон судиската тројка. Тренерот Даскаловски доби казна од 9.600 денари за две технички грешки, додека службениот претставник Марјан Илиевски е санкциониран со 3.200 денари.
Српскиот кошаркар Никола Малешевиќ ќе плати 20.000 денари по пријава од службените лица за своето однесување.
Исто толку, 20.000 денари ќе мора да плати и Џастин од ТФТ, кој по полуфиналниот меч со Куманово, исто така беше пријавен за критики кон арбитражата. Дополнително, ТФТ ќе треба да плати и 10.000 денари за своите забелешки кон судењето.
Интересно е што казната за коментар на судење изнесува 10.000 денари, но Куманово, домаќинот на дуелот, ќе плати 16.000 денари за неспортско и расистичко навивање, епизода која остави темна дамка на куп-завршницата, особено по реакцијата на Гил од МЗТ Скопје.
