На 3 јули, Андрија Радуловиќ, фудбалерот на Црвена ѕвезда, ќе наполни 18 години, а веќе има освоено две шампионски титули во една сезона. По славењето со младинскиот тим на Ѕвезда, Андрија утре ќе се радува и со колегите од сениорскиот тим на Црвено-белите од Белград, кои со меч против Пролетер ќе стават точка на оваа сезона и ќе ја прослават третата титула по ред.
Иако за првиот тим на Ѕвезда заигра откако титулата и математички беше обезбедена, перспективниот Радуловиќ во дебито против Радник одигра цело второ полувреме и постигна гол од пенал. Во дербито против Партизан играше 14 минути, тренерот Дејан Станковиќ можеби ќе му даде шанса и како стартер против Пролетер.
На мечот со Радник, на трибините имаше големи балони во облик на бројот 49, број кој момчето од црногорскиот град Котор го носи на дресот.
