Фудбалерите на Ливерпул сезонава играат далеку под очекувањата, но и покрај тоа ја имаат големата поддршка од навивачите, а еден од нив го воодушеви светот со својата реакција.
Ливерпул во средата со 2:0 го совлада Вулверхемптон и дојде само на пет бода од четвртото место на Тотенхем, кое носи пласман во Лигата на шампионите, а по натпреварот млад навивач на Црвените ги освои симпатиите на фудбалските фанови од целиот свет.
Имено, младо момче цел натпревар навиваше со транспарент на кој го моли својот идол Трент Александер-Арнолд да му го подари неговиот дрес. Фудбалерот не го забележа младото момче, но тоа го стори менаџерот на Црвените, Јирген Клоп, и по натпреварот му покажа на Александер-Арнолд за тоа.
Камерите не го фатија моментот кога тој му го подарува сопствениот дрес, но затоа ја „уловија“ реакцијата на младото момче која никого не остави рамнодушен.
LOOK how happy he is 🥺❤️
Klopp telling Trent to give his shirt to a young fan last night… pic.twitter.com/xna9iKYDmz
— Sky Sports Premier League (@SkySportsPL) March 2, 2023