Селекцијата на Англија ја освои круната на Европското првенство за фудбалери до 21 година откако во финалето во Братислава ја совлада Германија со 3-2 по продолженија. Во неверојатно интересен меч и 120 минути, беа постигнати вкупно пет погодоци. Англичаните ја одбранија европската круна.
Англија поведе во петтата минута со голот на Харви Елиот, а Омари Хачинсон зголеми на 2-0 дваесет минути подоцна.
Но, Германците не се предадоа лесно. Нелсон Вејпер намали на истекот од првото полувреме, а израмнувањето го донесе Паул Небел во 61-та минута.
Мечот отиде во продолженија, а финалето го реши Џонатан Роув со погодокот во 92-та минута од дуелот.
